CEBU, Philippines - Ipatawag unya sa Department of Trade and Industry (DTI-7) ang mga tiggama sa mga school supplies dinhi sa Sugbo.
Kini aron hisgutan ang mga lakang nga malikayan nga magpatuyang pataas og presyo sa mga educational supplies sa pagbukas sa school year 2014-2015.
Sumala pa ni DTI-7 Regional Director Asteria Cabarte sa usa ka interview sa usa ka lokal nga sibyaanan nga sulod niining bulana makigtagbo siya sa mga manufacturers ug school supply stores aron tukion ang kabahin sa presyo sa ilang mga baligya aron di mabug-atan ang mga konsumidor. Dugang pa niini nga siguraduhon usab sa ilang buhatan nga ang mga chemical nga gigamit sa paggama sa mga school supplies dili usab makadaut ngadto sa mga kabataan. (BANAT NEWS)