CEBU, Philippines - Gihugtan na sa pag-monitor sa Department of Trade and Industry and presyo sa mga nag-unang palaliton sa kamerkadohan dinhi sa Sugbo ug sa ubang bahin sa Central Visayas sugod kagahapon.
Si DTI-7 Regional Director Asteria Caberte mitug-an nga may mga inspectors ang ilang buhatan nga gitahasan sa pagsusi sa mga presyo sa nag-unang mga palaliton nga sagad maoy komprahon sa mga konsumedor. Tuyo niini nga may kabasehan ang DTI sa pagtandi sa presyo sa mga palaliton sa higayun nga may mahitabong kalamidad sama sa bagyo.
Sa pagkakaron sumala pang Caberte nga wala pa’y namatikdan ang ilang buhatan nga pagsaka sa mga presyo.
Labing gitutukan karon sa ilang buhatan mao ang presyo sa housing materials sanglit panahon man karon sa pagpatukod og mga edepisyo tungod kay init ang panahon maoy sagad ipatukod sa mga edepisyo. (/GMR)(BANAT NEWS)