CEBU, Philippines - Russian photojournalist dismayado sa pagpalansang ni Gilbert Bargayo sa lungsod sa Tuburan niadtong Biyernes Santo. Si Yuri Tsoi, kinsa nangangkong konektado sa business magazine nga Chief Time nga nagbase sa Russia, mipadala og e-mail sa Banat News ug miingon nga mianhi siya sa Pilipinas aron sa pagkuha og hulagway sa nasod.
Matud pa niya nga dihang nakadungog siya sa pagpalansang ni Gilbert Bargayo sa Tuburan iyaha kining gitan-aw. Apan nasagmuyo siya sa iyang nakita, inay pagpasakit, gihulagway ni Tsoi nga nakakita siya og usa ka “reality show†nga “based on religious theme.â€
Namatikdan sab sa maong photojournalist nga sa luyo sa entablado diin gipahigayon ang Siete Palabras dunay nag-inom og beer ug brandy.
Dugang pa ni Tsoi nga nakahibalo siya nga tiguwang na si Bargayo apan matud pa niya, “I know that he is old…and something was wrong with it…some people drinking some beer and brandy,†matud pa ni Tsoi.
Gitapos ni Tsoi ang iyang email sa pag-ingon nga nausab ang iyang panglantaw sa pagka-relihiyoso sa mga Filipino ug gihulagway niyang wala nay kalainan ang mga Filipino sa mga taga Russia. Si Mayor Aljun Diamante sa Tuburan nga nahinabi sa Banat News miingon nga iyang gikasab-an ang maong mga nag-inom. Tungod niini iya nang i-ban ang pag-inom sa sunod tuig sa maong kalihokan.
Dugang ni Diamante nga wa siya mag-expect nga ingon ato kadaghang tawo nga manan-aw maong pangitaan niya og paagi nga mas mapanindot pa kini sa sunod tuig ug mangita siya og luna nga pahigayonan niini.
Gusto usab ni Diamante nga magparehistro na ang mga sakop sa media nga mokober sa maong kalihokan. (BANAT NEWS)