BFAR patabangon sa mananagat sa Talisay
CEBU, Philippines - Ang konseho sa dakbayan sa Talisay miawhag ni Mayor Johnny De los Reyes sa paghimo og Memorandum of Agreement (MOA) tali sa Bureau of Fisheries and Aquatic Resources (BFAR)-7 alang sa mga livelihood projects sa mga mananagat sa Talisay.
Si Konsehal Antonio “Jojo†Bacaltos, Jr., tsirman sa committee on environment misugyot og resolusyon atol sa ilang regular session niadtong Martes kabahin sa mao nga awhag sa mayor.
Matud ni Bacaltos nga ang BFAR-7 adunay nagpadayong proyekto karon nga mao ang “Agri Pinoy Banner Program for Fisheries†nga maghatag og mga livelihood project sa mga deserving nga organisasyon sa mga mangingisda.
Gipasabot sa konsehal nga ang siyudad sa Talisay usa sa mga Local Government Unit (LGU) sa rehiyon -7 nga gihatagan og privilege nga mahimo’ng makadawat sa nahisgutang proyekto sa BFAR. Ang MOA alang kini sa tuig 2014 nga proyekto sa BFAR.
Si Bacaltos nagkanayon nga lima ka proyekto ang gitanyag sa BFAR diin usa niini mao ang “Bangus Fish Cageâ€.
Sa pagkakaron duna nay mga mananagat sa Talisay nga nagpahigayon sa Bangus Fish Cage. (BANAT NEWS)
- Latest
