CEBU, Philippines - Ang Provincial Intelligence Branch, Women’s and Children’s Protection Desk sa Cebu Provincial Police Office ug ang Regional Police Community Relations mi-pokus karon sa mga English language schools aron sa paglikay niini nga magamit sa cybercrimes.
“We have to make them aware by giving tips and to give them ideas on the current situation of the crime in Cebu province because some of them are not aware of the crimes,†matud ni Supt. Rodolfo Albotra, hepe sa PIB.
Si WCPD chief, Insp. Margienett Yosores, mibutyag usab nga tumong nila karon nga ma-briefing ang tanang language schools sa lalawigan ug gisugdan na nila kini diha sa dakbayan sa Talisay human sa sunod-sunod nga insidente nga nalambigit ang duha ka mga foreigners.
Matud ni Yosores nga angay na nga magduda kung ang usa ka langyaw adunay dala nga menor de edad ug kung aduna kini daghang babaye nga kauban sa balay.
“I-check gyud dayon kung dunay kuyog nga minor unya lain pud nang naa puyo sa balay ang minor o daghan nang babaye gapuyo sa balay nga unusual na,†matud ni Yosores. Siya midugang nga usa sa ilang gibuhat aron mapugngan kini mao ang paghimo og information dessimination sa mga barangay ilabi na sa women’s group. Lakip niini ang mga batan-on nga mahilig sa internet.
Ning bag-uhay lang usa ka Swedish national nga si Hans Christer Johansson, 60, naaresto sa awtoridad pinasikad sa search warrant nga giluwatan ni RTC Judge Macaundas Hadjirasul sa iyang giabangang apartment sa Barangay Dumlog, Talisay City diin duha ka menor de edad ang naluwas.
Pipila ka adlaw lang, ang American national nga si Lawrence Pendarvis, 71, nasikop usab sa usa ka resort sa Barangay Pooc, Talisay City human mireklamo ang usa sa duha ka hamtong nga mga babaye nga iyang gihimong ‘sex slaves’ apan ang suspek miinsister nga iyang mga uyab ang duha. (/EIM)(BANAT NEWS)