CEBU, Philippines - Mga armas sa mga sakop sa Highway Patrol Group-7 buot sa Special Investigation Task Group ug ang National Bureau of Investigation-7 nga ipailawom sa ballistics examination aron sa paglimpyo sa ilahang buhatan kung aduna ba gyud silay kalambigitan sa pagbanhig patay kang Atty. Noel Archival ug sa mga kaubanan niini.
Si Sr. Supt. Noel Gillamac, task group head, miingon nga usa kini sa mga lakang nga ilang gitan-aw karon gawas sa pakig-alayon nila sa ubang government agencies. Ang mga armas matud pa nga i-crossmatch ngadto sa mga kabhang sa bala nga ilang nakuha sa crime scene atol sa maong hitabo.
“They are part of the investigation as Archival filed charges against them and since they are willing to do so then we will make a formal request,†matud ni Gillamac.
Sa iyang bahin si Police Regional Office (PRO)-7 Director, Chief Supt. Danilo Constantino mibutyag usab nga ang pagsakmit sa Toyota Corolla Vios (GSC 675) sa kustodiya sa HPG-7 usa sa mga makatabang pagtumbok sa mga mamumuno ni Archival.
Ang SITG nagpaabot sa resulta sa verification sa certificate of registration nga iya ni Nora Yera, taga-Lapu-Lapu City, nga didto makit-i sa sulod sa sakyanan nga subject sa search warrant.
Ang mga respondents sa search warrant nga giluwatan ni Regional Trial Court Judge Soliver Peras, Branch 10 mao sila si HPG-7 chief, Sr. Supt. Romualdo Iglesia, Sr. Insp. Joselito Lerion, Special Operations Team chief; Chief Insp. Eduardo Mara, deputy regional director, ug SPO4 Edwin Galan nga kanhi property custodian sa maong police unit.
Apan bugtong si Mara lang ang mipagawas og statement kabahin sa iyang pagkalambigit sa maong kaso.
Si Constantino miangkon nga naguol sila karon kay ang gitumbok nga suspek mga pulis ra usab apan wala silay mahimo kung kini maoy padulngan sa ilang mga imbestigasyon.
“Nakakalungkot pero wala kaming magagawa kung du’n tayo i-lead sa ating investigation,†matud niya.
Si Archival ug mga kaubanan sakay sa Ford Escape SUV pauli na sa Cebu City gikan sa usa ka hearing sa Dumaguete City dihang gi-ambush sa wala mailhing mga suspetsadong luwan og mga sakyanan diha sa Barangay Corro, Dalaguete diin patay diha-diha ang manlalaban lakip na si Candido Miñoza ug Alejandro Jaime ug samdan usab si Paulo Cortez. /EIM (BANAT NEWS)