Magtiayong senior citizen na-hit and run

CEBU, Philippines - Kritikal ang kahimtang sa magtiayong senior citizen human sila ma- hit and run  sa usa ka van diha sa dalan M.C. Briones sa Barangay Tipolo,  Mandaue kagahapon sa kaadlawon. Ang mga biktima mao sila si Zenaida Obenita, 65, ug Isidro Obenita, 70,  mga residente sa maong dapit.  Si SPO3 Eduardo Flores, imbestigador sa traffic division sa Mandaue City Police Office (MCPO) miingon nga usa ka Danilo Dalmanpon, 32, taga Villa Leyson, Barangay Talamban, dakbayan sa Sugbo maoy usa sa nakasaksi sa maong hitabo.

Matud pa ni Flores nga nakit-an ni Dalmanpon ang pagdasmag sa managtiayon sa naghaguros nga sakyanan nga  may plakang MDR 485.

Ang lain nga sakyanan na nga milabay  maoy nikarga sa mga biktima ug gihatod ngadto sa Mandaue City Hospital. Gisubay na karon sa kapolisan sa Land Transportation Office kun si kinsa ang tag-iya sa maong sakyanan. (/EIM)(BANAT NEWS)