US fighters gipadala sa Black Sea

CEBU, Philippines -  Mipadala na ang Amerika og unom ka mga F-15 fighter jets sa nasud sa Lithuania aron motabang sa air patrols sa kawanangan sa Baltics  samtang nagpadayon ang stand-off sa Russian military ug ang bag-ong liderato sa nasud sa Ukraine.

Gawas sa maong mga fighter jets, usa ka U.S. warship usab ang i-deploy na karon sa Black Sea gikan sa usa ka naval exercises. Ang fighter jets gikuyogan og 60 ka U.S. military personnel diha sa Siauliai Air Base sa Lithuania isip dugang sa nag-una nang  upat nila ka F-15s ug 150 ka tropa nga nagbase gikan sa RAF Lakenheath sa England.

Samtang ang Navy destroyer USS Truxtun nga apil sa naval exercise sa nasud sa Romania ug Bulgaria gipaabot nga maabot sa Black Sea sa mosunod nga mga adlaw.

Ang U.S. ug ubang mga nasud sa Uropa nangandam na sa ilang ipatumang “sanctions” batok sa Russia tungod sa pagpadala niini og mga sundalo sa Crimean Peninsula sa Ukraine.

Talandugon pa karon ang sitwasyon sa Ukraine tungod sa pagpalagpot sa pro-Russian president niini sa nakalabay’ng buwan. (Philstar/EIM)

India nabalaka sa tensyon sa wps

Nabalaka karon ang nasud sa India sa posibleng epekto sa negosyo tungod sa tension diha sa West Philippine Sea (South China Sea). Apan sama sa ubang kanasuran, nanawagan sa mga nag-ilog nga mga nasud nga husayon kini subay sa international law inay sa pamaagi nga gusto sa China nga bilateral talks. Si Shri Anil Wadhwa, Secretary (East) of India’s Ministry of External Affairs namahayag nga kinahanglang bukas sa tanan ang agianan sa kadagatan ug ang komunikasyon sa mga nalambigit nga mga nasud.

“We advocate that the lines, the channels of trade and communication should be kept open and of course the sea, which, according to UN (United Nations) international law of the sea, is common to all the countries that use it,” matud pang Wadhwa sa mga tigbalita didto sa New Delhi, India.

Ang India miisip sa ilang relasyon tali sa Association of Southeast Asian Nations (ASEAN) nga “cornerstone” sa ilang foreign policy, isip sectoral dialogue partner sa regional bloc sukad pa niadtong tuig 1992. - Philstar/EIM (BANAT NEWS)