CEBU, Philippines - Bisan pa man sa tension tali sa Pilipinas ug China, ang mga Intsik gihapon maoy kinadaghanang langyaw nga dunay Philippine visas sud sa tulo ka tuig sumala pa sa Bureau of Immigration.
Sumala pang Immigration Commissioner Siegfred Mison , 79,697 ka mga Chinese ang mi-report sa ilang buhatan sugod niadtong Enero 1 hangtud sa Marso 1 ning tuiga.
Base sa tinuig nga Alien Registration Act of 1950 kinahanglan nga ang mga langyaw nga dunay immigrant or non-immigrant visas morehistro gyud sa BI sud sa unang 60 ka adlaw kada tuig.
Misunod sa mga Chinese ang mga Indian nationals nga moabot og 10,762 ang dunay Philippine visas, ikatulo ang mga Amerkano (9,058), ikaupat ang mga Koreano (8,367).
Sumala pa sa BI napulo ka nationalities ang nagparehistro sa nasud karong tuiga nga naglakip usab sa Taiwanese, Japanese, British, Germans, Australians ug Indonesian. - Philstar/EIM (BANAT NEWS)