CEBU, Philippines - Maestro nga gisignit sa mga gidudahang Abu Sayyaf Group (ASG) gibuhian na kagahapon matud pa sa Philippine Marines didto sa Sulu.
Sumala pa ni Capt. Ryan Lacuesta, 2nd Marine Brigade civil-military operations officer nga gibuhian na sa mga bandido si Alrashid Jahang.
Si Jahang nagtudlo sa Taglibi Elementary School gisignit sa mga bandido diha sa Sitio Baunoh sa Barangay Liang, Patikul niadtong adlaw nga Miyerkules sa hapon.
"The release was made possible through negotiations by the local government unit and the victim's relatives," matud pang Lacuesta.
Si Jahang gibuhian diha sa Barangay Kadday Mampallam , Patikul sa grupo ni Aljini Mundoc alias Ninok Sapari.
Wala hinuoy mga report nga nadawat ang mga awtoridad kung duna bay nibayad og ransom aron siya buhian
Si Jahang dad-on sa Marine headquarters sa Camp Teodulfo Bautista, Barangay Busbus, Jolo alang sa medical check-up ug debriefing. Ang militar padayon pa sa ilang hot pursuit operation batok sa maong mga bandido. (BANAT NEWS)