Lima ka adik nga kawani sa Mabolo sakpan

CEBU, Philippines - Lima ka kawani sa Barangay Mabolo namatud-an nga positibo sa shabu dihang gipakalitan sila og drugtest kagahapon.

Kapin sa 80 ka kawani sa Barangay Mabolo ang gipakuhaan og drugtest ni Kapitan Reynaldo Ompoc mao nga misanong dayon ang mga sakop sa City Office for Substance-Abuse Prevention (COSAP) nga gidumala ni Dr. Alice Utlang. Matud ni Utlang nga anaa ra ni Kapitan Ompoc kun unsay himoon niya sa lima nga namatud-an nga mga tiggamitan og illegal nga drugas.

Ang mga ngalan sa lima gipugngan lang mao kini ang gilatid sa balaod nga dili sila ilhon sa publiko.  Duna pay laing duha ka barangay nga naghangyo sa COSAP nga isunod ang ilang mga kawani sa pag-drugtest kay nagduda sila nga duna ‘say pipila kanila nga adik.

Matud ni Dr. Utlang nga si Kapitan Ompoc ang magbuot kun hatagan pa ba niya og higayon ang mao nga mga kawani nga magbag-o. (BANAT NEWS)