CEBU, Philippines - Dul-an sa 60 ka socialized homeowners sa Barangay Tinago ug Duljo- Fatima nakadawat na og libreng titulo gikan sa siyudad sa Sugbo sa paninguha sa Land Management Council kagahapon.
Ang pagpanghatag og libreng titulo kabahin kini sa Republic Act 10023 kon Issuance of Free Patents to Residential Lands, nga nahimong balaod niadtong Marso 9, 2010 ni kanhi presidente Gloria Macapagal Arroyo.
Si Virgilia Calinawan, nga 34 na ka tuig nagpuyo sa Barangay Duljo-Fatima mibutyag nga way kabutangan ang iyang kalipay.
“Sa dugay na nga panahon nga namuyo mi diha karon pa kami nakatitulo. Katunga na sa akong kinabuhi naa ko diha maong dako kaayo akong pagpasalamat sa city government,†matud pa ni Erlinda Erispe usa sa mga benepisyaryo nga taga barangay Tinago kinsa nagpuyo sa maong dapit sukad pa niadtong 1967.
Kasamtangang dunay 200 ngadto 300 ka aplikante sa “free patent†naggikan sa barangay Carreta ug Tejero nga padayon pang giproseso karon sa siyudad.
Matud ni Atty. Jade Ponce, pangulo sa Land Management Council nga kinahanglan ang benepisyaryo nagpuyo na og napulo ka tuig sa luna nga gusto nilang patitulohan nga di mokapin 200 metros kwadrado ang gidak-on, walay gipanag-iya nga kayutaan bisan asa nga dapit sa nasud ug kinahanglan nga ang yuta dili gamiton sa kagamhanan. (BANAT NEWS)