CEBU, Philippines - Maayong pagkaugdaw sa napulo ka barung-barong nga painitan didto sa merkado sa Barangay Tabunok, Talisay nga nasunog kagahapon sa kaadlawon.
Walay bisan usa nga gikataho nga naangol sa kadiyot ra kaayo nga sunog nga matud sa kabomberohan nakamugna lang og P50 mil nga danyos.
Si Fire Investigator Marcelino Aguilar sa Talisay City Fire Department miingon nga naghimo pa sila og imbestigasyon kun unsay sinugdanan sa sunog.
Ang kapolisan sa Talisay nakadawat og report nga ang sunog didto magsugod sa tindahan ni Labella Lopez ug gitoohan nga tungod kini sa dinagkotan nga kandela.
Apan ang ngalan ni Lopez wala maapil sa listahan sa kabomberohan sa mga tag-iya sa tindahan nga nasunog. Ang kabomberohan miawhag sa publiko nga magmatngon sa sunog tungod kay karong sunod buwan saulogon na usab ang Fire Prevention Month. (BANAT NEWS)