Daghan pa’ng senior nga wala pa kakobra
CEBU, Philippines - Karon na lang semanaha kutob ang gitagal sa Cebu City Hall nga makuha sa mga senior citizens ang ilang wala pa makobra nga cash assistance.
Si Rolando “Dodong†Llaguno nga maoy pangulo sa Office of Senior Citizens Affairs (OSCA) sa City Hall miingon nga gihatagan na nila og higayon ang mga kauban niya nga senior sa pagkobra sa ilang tag P3,000 nga benepisyo.
Sa pagpanghatag sa cash assistance didto sa lainlaing kabarangayan kaniadtong miagi pang Sabado ug Domingo, daghang senior citizens ang wala makakobra og gitoohan nga kining mao nga mga tawo wala gayud magpuyo dinhi sa dakbayan.
Wala pa makahatag ang OSCA kun pila gayud ang tanang senior citizens nga wala makakuha sa ilang cash assistance bisan og ang tanan kanila dugay ra nga nagpaabot sa pagpanghatag. Kun dili nila makuha hangtud karong semanaha, ibalik na sa panudlanan sa dakbayan ang kwarta ug dili na nila makuha pa. (BANAT NEWS)
- Latest
