CEBU, Philippines - Mga residente sa barangay Veto, lungsod sa Balamban natingala kabahin sa sinkhole diha sa sulod sa pumping station sa Balamban Water District.
Sa report sa TV Patrol Central Visayas kagahapon, ang nahisgutang sinkhole nadiskitaan niadtong Martes ug nabantayan nga nagkaanam og kadaku ang lungag.
Ang mga personnel sa Municipal Environment and Natural Resources nagkanayon sa maong report nga sukad masukad karon pa mahitabo sa ilang lungsod ang kabahin sa sinkhole.
Ang municipal environment office sa Balamban nangayo og panabang ngadto sa Mines and Geosciences Bureau (MGB) sa mitumaw nga sinkhole aron masusi kini.
Ang pumping station sa Balamban Water District mag-usa ka tuig na kini sukad sa pagkatukod.
Hinuon usa ka opisyal sa Balamban Water District mibutyag nga dihang nagpahigayon ang drilling sa lugar dunay mga dugta nga kahoy ang nakuha ug mga usa ka metros ang giladmon mikalit lang og collapse ang yuta.
Apan giingong kahibulongan tungod kay mikabat ngadto sa 200 ka piece ang ilang nakawot nga wala mohulpa ang yuta.
Ang nahisgutang tinubdan sa tubig misuplay ngadto sa 3,000 ka mga konsumidor og tubig. (BANAT NEWS)