CEBU, Philippines - Ang nasud sa Portugal posibleng motabang sa “restoration sa Magellan’s Kiosk†o ang estrakturang gibutangan sa makasaysayanong krus nga gidala sa Portugese explorer nga si Ferdinand Magellan nga sa pagkakaron adunay mga ginagmay’ng tipak gumikan sa 7.2 magnitude nga earthquake niadtong Oktubre kinse.
Si Joaquim Alberto De Sousa Moreira De lemos ang ambassador sa Portugal mi-courtesy call ni Cebu City Mayor Michael Rama kagahapon ug mibisita usab sa maong landmark ug didto nakita niini ang gibiling damage sa maong linog.
“They might help on the quick restoration of Magellan’s kiosk,†asoy pa ni Rama.
Matud ni Rama nga mas ganahan siya kun magkahinabi si De Lemos ug si Philippe Lhuillier, ang Philippine Ambassador to Portugal.
Kahinumduman nga ang mayor sa usa ka syudad sa Portugal, Sabrosa City Mayor Jose Manuel de Carvalho Marques, mipadayag sa ilang intensyon pinaagi sa suwat nga gipadala ngadto ni Rama sa niaging tuig nga interesado silang pormal nga mahimong sister-city sa syudad sa Sugbo.
Tumong sa maong Portugese city nga subayon og balik ang mga nagkadaiyang lugar nga naadtoan sa ilang kababayan nga si Magellan sa paglibot niini sa kalibotan, ang mga lugar nga naagian ni Magellan pulos na dunay sisterhood agreement sa maong siyudad.
Sa laing bahin, gipahibalo ni Rama nga ang Haarlemmermeer City, usa ka Dutch-sister city sa syudad sa Sugbo didto sa The Netherlands motabang sa Cebu City Medical Center (CCMC), pinaagi sa pagpadala og mga tawo.
Sumala ni Rama posibleng mga propesyunal nga mga doctor o posibleng mga engineers ang ipadala sa Haarlemmermeer aron motabang usab sa konstruksyon o unsa mang kinahanglan sa syudad aron mapatindog ang bag-ong tambalanan.(/EIM)(BANAT NEWS)