Mga tinun-an ug magtutudlo sa Northern Cebu ipailawom sa stress debriefing
CEBU, Philippines - Ipa-ilawom sa stress debriefing sa Department of Education ang tanang tinun-an ug magtutudlo nga naapektahan sa bagyong Yolanda tungod sa mapait nga kasinatian human miigo ang bagyo.
Si Victor Yntig, DepEd Field Supervisor ug focal person of the Regional Disaster Risk Reduction and Management Council (RDRRMC), mibutyag nga samtang naghikay sila sa pagpaayo sa mga naguba nga edipisyo ila usab nga hikayon ang maong psychological debriefing.
Apan sa pagkakaron wala pay naabot nga report sa DepEd mahitungod sa estudyante nga mibiya na gyud sa klase.
Ang Division of Cebu Province ug ang Bogo City Division duha lamang sa mga school divisions nga apektado sa bagyo dinhi sa Kabisay-an.
Sa Cebu Province, 1,731 ka eskwelahan ang partially damage ug 311 ang totally damage samtang sa Bogo City, 237 ang partially damage ug 132 ang totally damaged.
Ang maong listahan pinasikad sa assessment sa DepEd project engineers ug sa Department of Public Works and Highways (DPWH).
Ang DepEd nagpadayon karon sa pakig-alayon sa DPWH alang sa reconstruction and repair sa mga nangaguba nga eskwelahan sa amihanang Sugbo. (BANAT NEWS)
- Latest
