Mga langgam sa gawas mihugpa sa Olango

CEBU, Philippines - Mihugpa   sa  isla sa Olango sa dakbayan sa Lapu-Lapu    ang nagkadaiyang matang sa mga langgam nga gituohang gikan pa sa uban nga  nasud  sa gawas. Ang  maong  mga  langgam  makita sa daplin sa baybayon sa maong lugar nga maniba og gagmay’ng isda.

Si  assistant  superintendent  Reginaldo  Bueno, sa Olango Island Wildlife Sanctuary (OIWS)  miingon nga naglakip sa maong   mga langgam  mao ang black-faced spoonbill scavenge nga maglakawlakaw sa daplin sa baybayon .

Makita  sila  sa  bird sanctuary nga may  gilapdong 1,028  ka ektarya   ug  uban  pang     matang   sa  langgam nga Chinese Egrets.

Matud pa ni Bueno nga labing unang higayon karon nga mihugpa ang maong  mga langgam dinhi sa Sugbo .

Hinuon  midugang siya  nga  ikaupat na usab kining higayon nga nasigpatan kini  dinhi sa nasud.

Dugang pa niya nga molungtad gayud og lima ka adlaw nga nagpabilin ang maong matang sa mga langgam sa bird sanctuary sa isla sa Olango. Miabot  sila  dinhi  nga   nanglupad lamang  ug mogawas  sila  sa  wala  na masayri nga dapit dinhi sa nasud.

Si Dr.  Isabelo Montejo nga maoy Regional Executive Director sa Department of Environment and Natural Resources (DENR) 7  miingon nga ang black-faces spoonbill   kauban  sa mga langgam sa tibuok kalibotan nga endangered specie, base usab sa natala sa International Union for Conservation of Nature (IUCN).

“It usually spends the winter in Taiwan, Vietnam, South Korea ug China matud pa ni Montejo.

Dugang pa niya nga ang spoonbill nga giilang naggikan  sa pinuy-anan niini nga  mao ang Western Coast sa Korean peninsula, Liaoning province sa mainlad China ug Tumen  sa Russia.  (BANAT NEWS)