CEBU, Philippines - Ang Department of Social Welfare and Development sa Central Visayas (DSWD-7) nakadawat og 17,815.00 Malaysian Ringgit nga katumbas sa P239,694.90 gikan sa Amitabha Malaysia nga usa ka aktibong charity organization sa maong nasud.
Gipasalig ni DSWD-7 Assistant Regional Director Nemia Antipala ang maong donasyon makaabot gayud ngadto sa mga apektadong pamilya.
Ang buhatan sa DSWd-7 miklaro nga niining panahona, mohatag na lang og kuwarta ang mga international nga organisasyon. Kini tungod kay gaan ra ug magamit kaayo alang sa gikinahanglang materyales sa rehabilitasyon.
Samtang si Kerwin Macopia, usa sa mga tigpamaba sa DSWD-7 miingon nga ang mga cash nga donasyon ideposito dayon sa DSWD sa bank account niini. Hinuon luwatan usab dayon og resibo opisyal ang pribadong indibidwal ug organisasyon nga naghatag sa maong hinabang. (/WC)(BANAT NEWS)