CEBU, Philippines - Nasikop sa kapolisan sa dakbayan sa Sugbo ang usa ka babaye nga gipasanginlang drug pusher sa usa ka buybust operation sa Purok 3, Lower Kamputhaw sa barangay Kamputhaw sa dakbayan sa Sugbo sa alas 6:00 sa miaging gabii.
Ang nasikop naila nga si Angel Jhan Sorono Pelaez, 26, dalaga, molupyo sa sitio San Miguel sa barangay Apas sa dakbayan sa Sugbo. Nakuha gikan kang Pelaez ang usa ka dakong plastic nga may sulod nga duha ka medium size nga gidudahang shabu. Nakuhaan pa usab ang suspetsado og tulo ka gagmay nga putos sa shabu ug usa ka plastic nga tubo nga may sulod nga 12 ka gagmay’ng putos sa shabu.
Lakip sa nakuha gikan kang Pelaez ang P600 nga buybust money ug ang P750 nga kwarta sa suspetsado nga gituohang halin sa illegal nga kalihokan niini. Kasamtangan nga natanggong sa karsel sa Cebu City Police Office ang maong suspetsado samtang giandam pa ang kaso batok kaniya. (BANAT NEWS)