CEBU, Philippines - Usa ka lalaki ang patay ug usa ang angol human sila gipusil sa wala pa mailhing lalaki sa dalan Avocado sa barangay Mambaling sa dakbayan sa Sugbo sa alas 11:00 sa miaging gabii.
Ang nakalas naila nga si Fellboy Rama Abella, 28, traysikad driver molupyo sa samang lugar.
Samtang angol si Anastacio Depiga alias Tikboy, molupyo sa samang barangay.
Base sa imbestigasyon sa kapolisan nga ang wa mailhing lalaki naglakaw sa dalan ug dihang nakit-an niini ang biktima nga naghigda sa kilid sa dalan ug gidiretso kini og pusil sa dughan nga nakaingon sa iyang hinanaling kamatayon.
Samtang ang mangayohay og payong nga si Depiga nga nasugatan sa suspetsado nga naglakaw sa dalan gipusil usab sa suspetsado diha sa nawong, tuong bukton ug kumagko sa iyang walang kamot. Si Depiga gidala sa tambalanan.
Matud pa ni SPO4 Rey Cuyos, imbestigador sa Homicide Section nga wala pa sila’y kasayoran kun unsay motibo sa maong pagpamusil. (BANAT NEWS)