Mga Simbahan mahimong kadangpan sa mga evacuees–Palma
CEBU, Philippines - Paablihan ni Cebu Archbishop Jose Palma ang tanang mga simbahan aron himuong evacuation centers kung kuwangon ang evacuation centers sa mga local government units alang sa preparasyon sa pagtugdon sa yuta “super sa typhoon†Yolanda.
“We will easily do that,†matud pang Palma kagahapon dihang gipangayoan og pamahayag kung mosugot ba siyang anha mopasilong sa mga simbahan ang mga tawo kung magkuwang ang mga evacuation centers.
Matud pa ni Palma nga kaniadto pa man bukas na kanunay ang mga simbahan nga himuong evacuation centers panahon sa katalagman sama sa bagyo.
Sumala pa ni Palma iyaha nang gitawgan ang tanang mga Obispo sa Simbahang Romano Katoliko nga pahibaw-on ang ilang kaparian sa mga parokya nga modalit og pag-ampo alang sa kaluwasan sa tanan panahon sa kalamidad.
Matud pa ni Palma daghan kaayong mahimong pamaagi ang katawhan aron mamenusan ang epekto sa bagyo sama na lang sa pagbakwit sa mas luwas nga dapit ug pagpreparar sa mga gikinahanglang supply alang niini.
“The only thing we can do is pray,†matud pang Palma kinsa midugang nga usa sa labing maayong taming mao ang pag-ampo. “Bag-o ra kita na linogan. Unta ayaw lang sad lain calamity that would bring disaster sa atong mga tawo,†pangindahay pa sa Arsobispo. (BANAT NEWS)
- Latest
