Bag-ong hospital tukoron sa Argao Magtukod og bag-ong tambalanan ang lungsod sa

CEBU, Philippines - Argao human ipagawas  sa Department of Health ang P70 milyones nga pundo alang sa maong katuyoan.

Matud pa ni Mayor Edsel Galeos nga giapura sila sa DOH nga masugdan dayun ang pagtukod sa tambalanan aron dili mahibalik sa nasudnong panudlanan ang pundo kung maabtan sa tapos ning tuiga.

Nunot niini, nagpatabang usab si Galeos kang Gob. Hilario Davide III sa pagpalit sa luna nga matukoran sa tambalanan.

Usa sa giplanohan nga tukoran sa tambalanan ang barangay Bogo, kapin sa tulo ka kilometros gikan sa sentro sa lungsod diin nahimutang ang kasamtangang Isidro Kintanar Memorial Hospital nga gidumala sa probinsiya sa Sugbo.

Matud pa ni Galeos nga mao gihapon ang ngalan sa tambalanan nga gamiton ug ang lugar lang ang mabalhin.

Gipasabot ni Galeos nga apiki na kaayo sa lugar ang kasamtangang tambalanan ilabi na nga duol kini sa simbahan ug nasakop usab sa giilang heritage area.

Giklaro usab ni Galeos nga ang P70 milyones sa DOH alang lang kini sa inprastraktura ug walay labot niini ang kahimanan sa tambalanan.

Nipasalig hinuon si Davide kinsa lumad nga taga Argao sa pagpangita og paagi nga matabangan ang katukoran sa tambalanan sanglit ang probinsiya man ang modumala niini.

“Kung madayun na, it can serve not only in Argao even Dalaguete, Alcoy and Boljoon,” nagkanayon si Davide. (BANAT NEWS)