CEBU, Philippines - Ang tsirman sa Cebu City Traffic Operations Management (CITOM) nga si Ruben Almendras gusto nga sugod karong Nobiyembre tugotan na ang mga sakyanan nga maka-right turn – bisan pa og stop pa ang signal – sa mga dagku’ng eskina. Matud ni Almendras nga gisugdan na pagpatuman sa mga “major intersections†nga lapad ang karsada nga ang mga sakyanan gitugotan nga makahimo pagdemano sa tanang higayon basta magmatngon lang ang mga drayber.
Gipasabot ni Almendras nga ang tumong niini mao nga dili mabara ang dagan sa mga sakyanan nga gusto’ng moliko sa tuo nga karsada sa mga eskina.
Kun sugdan na kini sa pagpatuman, kadtong mga sakyanan nga anaa sa labing daplin dapit sa tuo kinahanglan g’yud nga modemano ug dili magbabag sa karsada.
Dugang pagpasabot ni Almendras nga kadtong mga sakyanan nga diretso ang iyang destinasyon dili angay’ng anha moagi sa labing daplin nga “lane.†Kadtong mga drayber nga magbabag sa agianan alang sa mga right-turning vehicles dakpon ug pamultahon tungod kay nakahimo og Obstruction. – (FREEMAN)