Bol-anon dili patalikdan

CEBU, Philipp Liezl Mabini Frasno ines - Gimanduan ni Presidente Benigno ‘Noynoy’ Aquino III ang iyang gabinete nga dili  talikdan ang mga Bol-anon niining labing kritikal nga panahon human sa 7.2 magnitude nga linog nga ilang  nasinatian  niadtong Oktubre 15.

Ang mando sa Presidente nga "walang iwanan" gipadangat ni Department of Interior and Local Government (DILG) Secretary Mar Roxas pinaagi sa senemanang programa nga “Kita Ug Ang Gobernador” didto sa People’s Mansion. Gipadangat usab ni Roxas, ang mando sa Presidente nga magpadala og upat ka helicopter didto sa probinsya sa Bohol aron magamit ug daling mapaabot ang mga tabang sa mga dapit nga dili pa masulod og sakyanan tungod sa mga guba nga dalan.

Si Roxas nagkanayon nga mibisita na usab sila sa probinsya sa Bohol aron suportahan ang kahago sa mga Bol-anon pinaagi sa Kagamhanang Probinsiyal, Kagamhanan sa syudad sa Tagbilaran ug mga Local Government Units (LGUs).

Gipangunahan ni Gobernador Edgar Chatto sa maong probinsya, mitambong usab sa maong programa sila si Secretary Dinky Soliman sa Department of Social Welfare and Development (DSWD) ug Executive Secretary Edwin Lacierda, kinsa midasig  sa mga Bol-anon nga magkapalig-on taliwala sa dakong kalamidad.                    

Nanawagan si Gobernador Chatto nga hugtan pa sa mga lider ug katawhan sa tibuok lalawigan ang panaghiusa ug pagtinabangany ilabi na sa mga nabiktima sa linog.(/WC)(BANAT NEWS)