CEBU, Philippines - Hinay-hinay na nga nahibalik ang operasyon sa Prosecutor’s Office human duha ka adlaw ang milabay human miigo ang kusog nga linog sa Central Visayas niadtong Martes.
Matud ni Regional State Prosecutor Fernando Gubalane nga sa Region 7 apil na ang Tagbilaran City Prosecutor’s Office, Bohol Provincial Prosecutor’s Office, Cebu City Prosecutor’s Office ug Cebu Provincial Prosecutors Office satellite offices nabalik na ang pipila ka normal nilang transaksyon.
Apan matod niya nga ang Cebu City Prosecutor’s Office dili una sila modawat og regular filing pulos lang una for inquest sa mga suspetsadong dinakpan.
Gibawalan pa nga pasudlan ang Marcelo Fernan Hall of Justice sa Capitol Compound, Cebu City. Apan matod niya dili tanang piskalya ang mo duty.
Si Executive Judge Francisco Seville sa Municipal Trial Court (MTCC) miingon nga ang mga piskal sa Cebu City Prosecutor’s Office half-day lang karong adlawa.
Walay hearings nga himuon sa Palace of Justice tungod kay talandugon pa gyud kaayo kini tungod sa mga nangliki ug kinahanglan pang mainspeksyon sa Office of the Building Official (OBO). (BANAT NEWS)