CEBU, Philippines - Gikumpirmar sa kapulisan nga ang walo ka mga barangay nga gitumbok ni kanhi South District Congressman Tomas Osmeña isip hotly contested villages mga pulos drug-affected areas sa dakbayan sa Sugbu apan ang kapulisan wala mo-kumpirmar sa report nga adunay narco-politics.
Bisan sa pasangil ni Osmeña, ang kapulisan wala mo-kumpirmar niini kay wala pay kumpirmasyon o validation report nga nagikan sa intelligence unit. Ang mga barangay naglangkob sa Calamba, Labangon, Day-as, Ermita, Pasil, Duljo-Fatima, Sawang Calero ug Suba.
Si City Intelligence Branch chief, Chief Insp. Romeo Santander mibutyag nga base sa validation, ang walo ka mga barangay apektado sa drugas. Gikumpirmar usab kini sa Regional Intelligence Division (RID)-7.
“It’s an open book nga ang mga lugar drug-affected barangays,†matud ni Santander sa press conference.
Matud niya nga makadawat man sila og taho mahitungod sa mga political aspirants nga gipaluyuhan og mga big time drug pushers nga buot magpapili nagkinahanglan ang kapulisan ug igong ebidensiya niini.
“We have information of drug lords even their scope of distribution but there are factors to be considered like asa siya dakpon kay he is not staying in one place and he is no longer hands on with the operation,†matud niya. Siya midugang nga apil sa ilang giimbestigar karon ang kadtong mga pulis nga nalambigit sa illegal nga kalihukan.
Gihagit ni Cebu City Mayor Michael Rama ang kapolisan sa syudad sa Sugbo nga gukdon ang mga "drug lords".
"Narco-politics has been discussed long time ago, so, the challenge is with the police, the police chief (Senior Supt. Noli Romana)," matud ni Rama.
"Naa nakoy marching orders nga go after snatchers;petty crimes: illegal gambling and run after drug lords," sumala pa ni Rama.
Samtang, si Rama misaway ni kanhi mayor Tomas Osmeña gumikan sa pagsulti niini nga dunay mga barangay dinhi sa Sugbu nga "narco politics." "Nag-mention siya’g barangay nga narco politics? Giinsulto niya ang mga barangay, kalimot galing siya nga na mayor sab siya sa Sugbo," matud ni Rama.
Si Rama gihagit usab ang barangay kapitan (Inayawan) mobarog ug tubagon si Osmeña sa pasangil niini.
"I wish the brgy. captain would stand to answer him because its not good to accuse. Well he's very well in accusing," matud ni Rama. (BANAT NEWS)