CEBU, Philippines - Usa ka gipasanginlang illegal nga nanghimo og paltik sa dakbayan sa Danao nadakpan sa mga sakop sa Criminal Investigation and Detection Group-7 diha sa Barangay Masaba, Danao City.
Ang nadakpan giilang si Marjon Castro alias “Bosyoâ€, 24, pinasikad sa search warrant nga giisyu ni Judge Teresita Abarquez-Galanida sa Regional Trial Court Branch 56, Mandaue City. Matud pa ni CIDG assistant regional chief, Supt. Fermin Armendarez III, ang operasyon gihimo inabagan sa Danao City Police.“Naa daw magpabuto sa area para testingan ang armas before paliton. Since 14 years old pa ni siya gahimo,†matud pang Armendarez.
Nadakpan si Castro sud sa lawak sa iyang balay nga gihimo niyang shop sa paghimo og mga armas.Nakuha gikan sa iyang lawak ang mga walay lisensyang mga armas sama sa caliber .38 revolver, usa ka M203 grenade launcher ug nagkadaiyang gun spare parts ug mga makina ug ekipo paghimo og armas.
Matud pa ni Armendarez gibanabanang mokantidad og P70,000 ang mga nasakmit nga ebidensya batok sa suspek.
Si Castro miangkong tighimo na siya og armas sukad pa nga nag-edad siya og 10-anyos.
Gihimakak hinuon niyang dunay mga politiko nga iyang gisuplayan sa mga armas, kasong kalapasan sa Republic Act 8294 o illegal possession of firearms ang ipasaka batok kaniya. (/EIM) (BANAT NEWS)