Driver gipriso kay nanghinol og 6 anyos
CEBU, Philippines - Napriso ang usa ka drayber sa habalhabal human kini pasanginli sa 6 anyos nga batang babaye nga mihinol kaniya samtang luwan kini sa iyang motorsiklo didto sa Brgy. San Vicente, Isla sa Olango sa milabay’ng gabii.
Ang nasikop mao si Delfin Gelig, 49, residente sa Brgy. Sta. Rosa, Isla sa Olango ug usa ka drayber sa habalhabal.
Base sa imbestigasyon sa kapolisan sa Isla sa Olango, nasayran sa Banat News nga personal mitaho sa kapolisan ang ginikanan sa usa ka 6 anyos nga batang babaye ug mitumbok ni Gelig nga mimolestiya sa ilang anak.
Asoy sa 6 anyos ngadto sa kapolisan nga sa milabay’ng hapon samtang luwan kini sa habalhabal ni Gelig didto siya palingkora sa tangke sa motor ang bata.
Samtang nagdagan ang motorsiklo ang pikas kamot ni Gelig mihinol sa mga law-ay’ng parte sa lawas sa bata diin gibanabanang 10 ka higayon hinungdan sa pagpunay og hilak sa biktima pag-abot sa ilang balay.
Sa dihang mitug-an ang bata sa iyang inahan wala maglangay ang mga ginikanan niini ug mitaho sa kapolisan.
Alas 9:00 sa milabay’ng gabii nasikop sa kapolisan si Gelig ug gibalhug sa Takima police station diin andam nga mopasaka og kaso ang mga ginikanan sa bata. (/WC) (BANAT NEWS)
- Latest
