Darrel Carumba sa Banat News mitaliwan
CEBU, Philippines - Mipanaw na sa laing kalibotan ang usa ka reporter sa Banat News nga si Darrel Carumba human sa iyang operasyon sulod sa Cebu City Memorial Medical Center kagahapon sa alas 4:00 sa hapon.
Si Louie Reyes, magsisibya sa Bantay Radyo maoy mipadala og text message sa News Editor sa Banat News nga si Wen Celen bahin sa kamatayon ni Darrel.
Si Darrel nasulod sa CCMC niadtong miaging semana dihang misaka ang blood pressure niini og 210 over 120.
Sukad niadto diha siya sa maong tambalanan nga gibantayan sa iyang kapikas sa kinabuhi ug mga anak.
Samtang si Lesley Vestil mi-post usab sa iyang Facebook page nga gikonpirmar mismo sa asawa ni Darrel nga gibawian na kini sa iyang kinabuhi .
“Sir Darrel Carumba of Banat News/Bantay Radyo has passed away ganinang 4 pm confirmation from his wife nagka-talk mi dili pa lang dugay,†matud pa sa iyang Facebook Page.
Ang haya sa patay nga lawas ni Darrel anaa sa St. Francis Funeral Homes sa N. Bacalso Avenue sa dakbayan sa Sugbo.
Si Darrel Carumba usa sa mga News Correspondent sa Banat News. (/WC) (BANAT NEWS)
- Latest
