CEBU, Philippines - Maayong pagkahapla diha sa daplin sa karsada sa usa ka lalaki human kini gipusil patay sa wala mailhing tawo pasado alas-3 kagahapon sa kaadlawon diha sa City Center sa barangay Kamagayan ning dakbayan.
Ang biktima gibana-banang nagpangidaron og kapin 30-anyos ug nagsul-ob kini og brown nga t-shirt, blue nga shorts. Ang mamaligyaay og puto sa maong dapit nga si Bening Rosales mipadayag dihang gikahinabi nga iyang nadunggan ang biktima nga miingon “palita kog puto bali’g 100.†Apan tungod kay duna may daghang customer wa dayon mahatagi ang lalaki ug kalit na lang niyang nadungog ang buto sa armas ug nag-iyahay panagan ang iyang mga kustomer. Sunod niyang nakita nahapla na ang biktima sa daplin sa karsada. Ang imbestigador sa Homicide Section nga si SPO4 Alex Dacua, miingon nga kalit kaayo ang hitabo kay walay nadunggang panag-estoryahay sa mamumuno ug sa biktima.
Sa tangkugo ang samad pinusilan sa biktima nga miresulta sa iyang hinanaling kamatayon. (/EIM) (BANAT NEWS)