CEBU, Philippines - Human sa pag-inspection ug pag-audit sa duha ka barko sa 2GO Group, Inc. ug Philippine Span Asia Carrier Corp. (PSACC) gilibkas na sa kadagkuan sa Maritime Industry Authority (MARINA) ang suspension order tungod sa panagbangga sa duha ka barko.
Gipadayag sa maong buhatan nga mahimo nang molawig sa kadagatan ang cargo vessel nga MV San Pedro Calungsod ug ang passenger Vessel nga MV Princess of the South. Gawas niini, gilibkas usab niini ang MV St. Anthony de Padua sa 2GO Group Inc. ug MV Princess of the Earth ug MV Span Asia-5 sa PSACC.
Giingong si MARINA Administrator Maximo Mejia Jr. mimando niadtong Sabado sa pagpahunong pagpadagan sa mga barko sa duha ka shipping lines samtang gi-inspection kini tungod sa nahitabo niadtong Biyernes sa gabii didto sa Lawis Ledge sa dakbayan sa Talisay. (BANAT NEWS)