CEBU, Philippines - Namatay ang usa ka motorista human magkadinam-agay sa traysikad diha sa barangay Ylaya sa lungsod sa Dumanjug niadtong Huwebes sa alas 5:00 sa hapon.
Patay nang nadangat sa tambalanan ang drayber nga si Roel Ybañez,19, nagpuyo sa barangay Canpangcas sa Dumanjug.
Samtang ang traysikad driver nga anaa usab karun sa seryoso nga kahimtang mao si Norbert Aleo, 62, nagpuyo sa maong lugar.
Matud ni PO3 Dionesio Tagupa sa Dumanjug Police Station paingon sa Dumanjug Proper gikan sa barangay Tapon ug sugat nga direksiyon ang motorsiklo paingon sa barangay Tapon.
Ang mga nakasaksi miingon nga kusog kaayo ang pagpadagan sa motorsiklo ug pag-abot sa maong lugar nagkadinasmagay silang duha ug tungod sa kakusog sa pagbangga nangalagpot ang duha.
Matud ni PO3 Tagupa pulos nakuyapan ang duha ug gihatud sa Barili District Hospital apan si Ybañez gideklarar nga patay na pag-abot didto.
Samtang si Aleo gilahos og hatud sa Vicente Sotto Memorial Medical Center.(/EIM) (BANAT NEWS)