117 Hotline i-localized
CEBU, Philippines - Aron mas mapadali ang pagresponde sa mga alarma panahon sa emerhensiya gilaraw karon sa Cebu City Disaster Risk Reduction and Management Council nga himuong local ang 117 hotline.
Nabantayan nga ang 117 hotline dili kaayo gamiton sa mga tawo tungod kay layo pa kaayo kini og agian una pa sa direktang hingtungdang local authorities.
Ang plano ni Simeon Romarate, action officer sa Cebu City Disaster Risk Reduction and Management Council gisuportahan usab ni Konsehal Dave Tumulak atol sa usa sa mga tigum sa CCDRRMC.
Matud pang Tumulak mahinungdanon gyud sa "security and safety" sa mga konstituwente sa syudad sa Sugbo ang paspas nga komunikasyon. Bisan pa man kun ma-localized ang 117 hotline mahimo gihapong makagamit niini ang mga lugar sa Metro Cebu ug sa lalawigan sa Sugbo. (BANAT NEWS)
- Latest
