CEBU, Philippines - Mopasar og balaudnon si Kongresista Benhur Salimbangon sa kwarto distrito sa Sugbo aron pagsuporta sa katumanan sa Transaxial Highway nga proyekto
Matud ni Salimbangon atol sa interview sa DyDD nalipay kaayo siya pagkahibalo niya nga suportahan ni Gobernador Hilario Davide III ang maong proyekto.
Gibalik-lantaw ni Salimbangon nga kaniadto dihang giplano pa ni Sanchez ang maong proyekto, siya maoy labing una nga mipadangat og suporta niining maong proyekto nga wala dayun mahatagi og katumanan.
Gipasabot ni Salimbangon nga ang iyang distrito nga nahimutang sa kinatumyang bahin sa amihanang Sugbo maoy usa sa makabenepisyo tungod kay dali na man unya ang travel time kun kini matuman. Sumala pa sa kongresista nga makapalambo kini sa ekonomiya, turismo ug industriya sa iyang distrito ilabi na sa tibuok Sugbo.
Ang anak ni anhing Sanchez nga si 3rd district Board Member Gigi Sanchez Zaballero maoy usa sa nangusog diha sa Hunta Probinsyal nga mapadayon ang maong proyekto nga gitinguhang ipatuman kaniadto sa iyang namatay nga amahan. (/EIM) (BANAT NEWS)