CEBU, Philippines - Hayag na nga matuman ang tinguha ni Cebu City Mayor Michael Rama nga makabutang og dugang buhatan sa kapolisan sa barangay Lahug ingon man duol sa Fuente Osmeña Rotunda tungod kay mismong si Gob. Hilario Davide III daan nang uyon niini dihang konsehal pa kini sa Cebu City.
Matud pa ni Davide nga makigtagbo siya kang Rama ug sa mga sakop sa hunta probinsiyal aron matuki ang maong plano.“I welcome the suggestion nga magbutang og police or detachment sa Lahug,†matud pang Davide.
Si Rama nagtinguha nga mohangyo kang Davide sa paggamit sa luna sa Kapitolyo nga nahimutang duol sa Lahug Elementary School diin itukod ang laing police station sa dakbayan sa Sugbo. (BANAT NEWS)