14-anyos miluba sa uyoang nagmaoy
CEBU, Philippines - Usa ka 14-anyos miunay og dunggab sa iyang uyuan aron sa pagdepensa sa igsuon nga gisagpa sa biktima sulod sa usa ka videokehan adtong Martes sa gabii sa Barangay Tominjao Proper lungsod sa Daanbantayan.
Ang suspek padayon pa nga gipangita karon sa kapulisan human dali kining misibat human dunggaba si Ruel Sanchez, 27, gamit ang usa ka kutsilyo diha sa likod sa biktima. Daling gidala sa Daanbantayan District Hospital si Sanchez apan gi-refer kini ngadto sa tambalanan sa siyudad sa Sugbu tungod sa samad nga naangkon niini.
Sa inisyal nga imbestigasyon sa kapulisan matud pa nga ang suspek uban sa igsuon sa gawas niini nga menor de edad diha sa sulod sa videokehan dihang miabot si Sanchez nga giingong hubog adtong higayuna.
Matud pa nga nagyawyaw si Sanchez nga maoy hinungdan sa panaglalis sa duruha nga misangpot sa pagpanunggab.
Sigon ni PO2 George Banatasa, desk officer, nga magmaoy gyud ang biktima nga mahubog. “Ingon ana ra gyud kuno na siya (biktima) og mahubog murag mag-maoy.â€
Ang managsuon daling mibiya sa nahitabuan. (/EIM) (BANAT NEWS)
- Latest
