CEBU, Philippines - Gisugdan na sa National Bureau of Investigation (NBI) – 7 ang ilang pag-imbestigar sa pagkawat sa 500 ka sakong bugas diha sa Cebu International Port container yard sa miaging semana.
Kini human midangop ang Oriental Port and Allied Services Corporation (Opascor) nila. Ang Opascor mibutyag nga walo ka container vans nga dunay 520 ka sako sa sulod ang giguba ang kandado.
Matud ni NBI-7 Regional Director Atty. Antonio Pagatpat, ilaha nang gisugdan ang imbestigasyon bisan og wala pay pormal nga reklamo. Mahimo kini nila kay duna may public interest mando sa Republic Act 157.
“May authority kami na mag imbestiga lalo na sa ganito na involved ang public interest,†matud pang Pagatpat.
Silang Atty. Donaver Inesin, Bernard dela Cruz ug Special Investigator Teodoro Saavedra maoy gitahasang moimbestigar sa kaso.
“Nakatutok kami kung talagang may nawala, kung mayroong nawala sino ba ang responsible nito at sino ang custodian ng property na ito,†dugang pa ni Pagatpat.
Buot sab imbestigahon sa NBI ang ubang ahensya lakip na ang Bureau of Customs, Cebu Port Authority ug Opascor. Tan-awon pod ang inventory report sa Commission on Audit sa rehiyon kung nakalista ba ang mga sako sa bugas nga tua sa container yard. (BANAT NEWS)