CEBU, Philippines - Si Catholic Bishops Conference of the Philippines (CBCP) president ug Cebu Archbishop Jose Palma molupad paingon sa Brazil para sa 14th International World Youth Day nga ipahigayon karong Hulyo 22-28 sa Rio de Janeiro.
Kuyogan ni Palma ang 38 ka mga youth members sa Commission on Youth (COY) sa Archdiocese of Cebu ug ubang mga Filipino pilgrims.
Atol sa World Youth Day, ang COY Cebu delegation, matud pa sa CBCP News, magdala sa adbokasiya sa pagtudlo sa mga kabataan bahin sa pagka-martyr ni St. Pedro Calungsod.
Gawas ni Palma, si Legaspi Bishop Joel Baylon ug Kabankalan Bishop Patricio Buzon mosalmot usab sa WYD ug kuyogan nila ang 182 pilgrims ubos sa Episcopal Commission on Youth (ECY)-Philippines Delegation.
Ang ECY-Philippines maoy giisip nga official delegation sa nasud ngadto sa WYD. (BANAT NEWS)