Hapon ug pinay nag-sex sa baybay priso

CEBU, Philippines - Usa ka Japanese national ang gidakop sa kapolisan  ug  gilakip  usab  ang 31 anyos nga Pinay nga iyang gika-date human kini magpakita sa publiko sa ilang panaghilawas sa baybayon didto sa barangay Bakhawan sa lungsod sa Daanbantayan  niadtong  Martes sa alas 5:30 sa hapon.

Ang  away   nga  lawasnon  sa Hapon  ug Pinay gisaksihan sa daghang  mga hamtong nga tawo  ug  mga  bata sa mabugnaw kaayong  kahapunon. Ang gidakop mao  si Jeigo Netsu, 31, usa ka designer ug taga Nakanobu 2-3-8 Shinagawaku, Tokyo, Japan,  ug wala mahibaw-i kun diin  kini magpuyo dinhi sa Sugbo.

Ang dalaga nga iyang ka-date  mao usab si Arlene Ganaba Diesto, 31, dalaga, ug GRO sa Mermaid Bar nga nagbase sa siyudad sa Lapulapu.

Si PO2 George Banatasa sa Daanbantayan Police Station  mibutyag  sa Banat News   nga  usa ka nagpailang concern citizen ang mitawag ug nagpahibawo sa ilang  buhatan kalabot  sa law-ay  nga pasundayag sa maong langyaw ug kaparis niining Pinay didto sa baybayon sa maong lugar nga gitapokan sa mga tawong nanan-aw sa ilang gibuhat.

Sa pagresponde sa kapolisan  naabotan nila  ni PO2 Banatasa  sa akto ang maong Japanese national nga nakigromansa ug nagpunay  og simhot sa kinatawo sa dalaga   kinsa  nagpataon  lang  usab  samtang naghigda kini sa baybayon.

Wala magpabalda ang duha sa ilang romansa bisan pa sa mga tawong nanginhas   sa honasan nga nanan-aw  sa ilang  kombati nga  mahinamon  kaayo  ang  usa’g-usa , nga  bisan  ang mga  bata  nga  nakasaksi  nalingaw  kaayo  kanila.

Ang kapolisan mibadlong ug midakop dayon sa duha nga pulos hubo ang lawas   ug didto pa kini miundang sa ilang romansa samtang ang ilang mga kauban midistansiya kanila og gamay.

Ang   babaye  ug ang Japanese national gidala sa buhatan sa kapolisan ug gibalhug   sa prisohan samtang  gihikay  ang kasong Grave Scandal nga ipasaka kanila  kun makompleto ang tanang dokumento, karon  o kaha ugma. (BANAT NEWS)