CEBU, Philippines - Kaliboan ka mga estudyante og kapin sa 500 ka mga lokal nga opisyal sa Rehiyon VII ang nitambong sa oathtaking ceremony ni Senate minority floor leader Alan Peter Cayetano kagahapong adlawa sa University of the Visayas main campus.
"Recognizing our roots is the key to moving forward. In the fight against high prices, lack of jobs, and low income it's important that we have a strong foundation to take off from, " matud pa Cayetano.
Si Cayetano, kinsa membro sa Nacionalista Party nanumpa sa atubangan ni outgoing Cebu First District Representative Eduardo Gullas, ang University of the Visayas (UV) president.
Si Cayetano ug Gullas pulos membro sa NP nga gipangulohan ni Senator Manuel Villar.
Si Cayetano, kinsa gihatagan og laing unom ka tuig, gibutaran sa mga Cebuano isip "numero unong senador" sa Cebu sa milabay nga piniliay.
Si Cayetano midagan ubos sa platform nga mutapos sa problema sa Presyo, Trabaho, Kita (PTK).
"I want to share this victory with the people and assure them that the fight against high prices, lack of jobs, and low income will be won through our combined efforts," matud pa ni Cayetano.
Samtang si Cebu Vice governor-elect Agnes Magpale, Cebu City Mayor Michael Rama uban sa mga local officials sa Taguig City, Pateros, Bohol, Negros Oriental ug sa uban pang dapit sa nasud ang mitambong usab sa oathtaking ceremony. (/WC) (BANAT NEWS)