CEBU, Philippines - Gipasaylo na ni Vice-Governor-Elect Agnes Magpale si Dumanjug Mayor Nelson Garcia sa pagdeklarar kaniya nga “persona non grata†sa kagamhanan sa lungsod sa Dumanjug human suspensoha si kanhi Gobernadora Gwendolyn Garcia.
“Dugay na kaayo nako siyang gipasayalo,†matud ni Magpale. Gitug-an ni Magpale nga iyang nasabtan nga angayan siyang mouna sa paghimo og lakang nga magka-atubang sila ni Mayor Nelson Garcia ug magpinasayloay.
Miingon ang kasamtangang gobernador nga kalimtan ang mga nangagi bisan sakit ang iyang gibati kaniadto sa gipamulong sa mayor nga igsoon sa suspendidong gobernador.
Samtang sa bahin usab ni Mayor Nelson Garcia, gipasalig usab niini nga andam siyang makig-atubang ni Magpale ug kalimtan ang mga nangagi. Si Mayor Nelson mapasalamaton kang Magpale kay gipadayon niini ang mga programa sa iyang igsuon sama sa “Suroy-Suroy Sugboâ€.
Tungod niini gipadangat ni Magpale ang iyang mainiton nga pasalamat sa mga katawhan sa Dumanjug nga misuporta kaniya atol sa miaging eleksyon.
“Magpasalamat sad diay ko kay gitagaan ko og dakong mayoriya sa Dumanjug,†matud ni Magpale.
Gusto unta ni Magpale nga moesplikar sa mga taga Dumanjug bahin sa P 55 milyones nga trust fund nga alang unta sa maong lungsod nga wala mahinayon apan matud pa niya nga nakasabot ra usab ang taga Dumanjug sa hinungdan nganong wala kini mahinayon.
Si Magpale ug Governor-Elect Hilario “Junjun†Davide III gikatahong imbitahon ni Mayor Nelson sa mga umaabot nga kasaulogan sa pista sa Dumanjug samtang mipasalig usab si Magpale nga andam siyang mosanong niini. WC (BANAT NEWS)