CEBU, Philippines - Gikusokuso og kusog nga unos ang kadagatan sa probinsya sa Iloilo nga miresulta sa pagkadaot sa gatosan ka ektaryang mga fishponds ug pagkadaot sa mga sakyanan sa dagat.
Ang unos o “Pugada†sa pinulongan sa Iloilo usa ka matang sa dautang panahon nga kuyogan sa kusog nga hangin ug pagbunok sa ulan nga makaingon sa dili normal nga pagtaas sa dagat. Unang miigo ang lungsod sa Estancia alas-onse sa buntag nga milanat lamang og pipila ka minutos sumala pang Senior Insp. Ronan Betita, hepe sa Estancia Police Station.
“But it was enough to wipe out sea vessels docked at the town’s feeder port,†matud pa niya bisan sa kadali ra sa pag-igo ug pagkahanaw sa unos diha sa ilang lungsod.
Base sa pagsusi sa kapolisan, duha ka pasaheroang pump boats ug 20 pumpboats ang nangaguba dihang gikusokuso ang ilang kabaybayunan sa unos.
Wala pa dangti og usa ka oras gilatos usab ang barangay Talisay sa lungsod sa Barotac Nuevo. Atol sa pag-igo niini, natunong nga taob ang dagat maong misulod kini sa mga fishponds hinungdan sa pag-awas sa tubig niini ug nangaguba ang mga tampi.
Matud pa nga misaka ang tubig padung sa barangay nga moabot sa usa ka metro ang gilawmon maong gibahaan ang lima ka kilometro kwadradong mga kabalayan.
Sumala pa usab ni Senior Insp. Ronan Perante, sa Barotac Nuevo Police Station mihupa lang ang tubig paglabay sa kapin usa ka oras.
Susama usab kadautang panahon ang miigo sa uban pang bahin sa Iloilo ug sa Iloilo City ug padayon pang gipaabot sa mga lokal nga kagamhanan ang kinatibuk-ang danyos sa maong hitabo. (BANAT NEWS)