Tawo nga nagkanta-kanta sa videokehan gipusil angol

CEBU, Philippines - Kritikal ang kahimtang sa usa ka tawo kinsa   gipusil  sa wala  hiilhing  kriminal  samtang nag-inom ug nagkanta-kanta  sulod sa videokehan sa barangay Poblacion Occidental, sa lungsod sa Consolacion   sa  miaging Domingo  sa buntag.

Giila ni PO3 Arthur Oriate ang biktima nga  si Jefril Riosano, 19, ulitawo,  lumad nga taga lungsod sa Argao ug giingong temporaryong nagpuyo  sa maong dapit. Ang duha ka mga  waitress  sa maong videokehan maoy nakakita sa duha ka wala hiilhing mga lalaki nga nagsakay og motorsiklo nga walay plate number  nga maoy  miluthang  sa biktima.

Matud pa ni PO3 Oriate nga nalingaw  ang biktima sa pagkanta    dihang  kalit  lang  miabot  ang  usa  ka  motorsiklo  nga  gisakyan sa duha  ka wala  hiilhing  mga lalaki.

Unya  ang  angkas  niini  nga  nanaog milanit  sa iyang  armas  de fuego  ug  sa way  igong  hinungdan gipusil  ang  biktima.

Dugang pa ni PO3 Oriate nga human mahagba  sa yuta ang  biktima   dali kaayong  nakabiya  ang  criminal  sakay  sa  nagpaabot  nga  motor  dayon  pahilayo  sa maong  daoit. (BANAT NEWS)