CEBU, Philippines - Ang JCI-Mandaue, the Give A Filipino Child A Chance Foundation ug ang Vicente Gullas Memorial Hospital dili pa dugay mipirma og usa ka memorandum of agreement alang sa ipahigayong surgical mission o pagpangopera ug pagtahi sa mga bata nga bungi.
Ang maong kasabotan nga gipirmahan niadtong Abril 1 didto sa University of the Visayas, mopahigayon og libre nga pagpangopera, libreng hospital ug libreng pag-atiman hangtud nga hingpit na nga maayo ang 50 ka mga bata nga bungi.
Ang Give A Filipino Child A Chance Foundation usa ka non-stock, non-profit organization nga gidumala ug gitrabahoan sa mga boluntaryo nga may nagkalainlaing pagka-lungsoranon, kansang tuyo mao ang paghatag og hinabang medical ngadto sa mga kabus nga mga kabataang Filipino.
Si Dr. Leticia F. Abinuman, medical director sa VGMH nagkanayon nga ang hospital nga kaabag sa JCI-Mandaue ug ang foundation mihimo niini isip kabahin sa iyang responsibilidad sosyal, ingon man sa pagsunod sa kabubut-on ni UV Executive Vice President Jose “Dodong†R. Gullas’ nga mutabang sa mga kabus. (BANAT NEWS)