CEBU, Philippines - Subling paninguhaon sa mga organizers sa Earth Hour dinhi sa Pilipinas nga magpabiling number one sa pagsalmot sa maong kalihokan.Gikuptan sa Pilipinas sud na sa lima ka tuig ang titulo nga Earth Hour Hero Country isip “top participating country†sa maong kampanya.
Sumala pa sa World Wide Fund, sukad pa niadtong tuig 2009, ang Pilipinas maoy kinadaghanan og lugar nga niapil sa Earth Hour ug kada tuig gibuak niini ang kaugalingong record tungod sa nagkadaghan pang nangapil nga mga lugar.Sa milabay’ng tuig 1,671 ka lugar sa nasud ang miapil ug gipanglantawan sa WWF-Philippines nga mabuak na usab kini.
Matud pa ni Andy Ridley, ang CEO ug founder sa Earth Hour ang Asya mahulagway nga usa ka bomba tungod sa development niini. Apan luyo niining paglambo mao ang kadako sa requirement sa enerhiya nga mao usab ang source sa polusyon ug dako og natampo sa climate change.
Kagabii, gilusad ang Earth Hour sa Cebu City diha sa Plaza Independencia.Gipawong ang suga pinaagi sa ceremonial switch-off alas 8:30 dungan kini sa tanang siyudad sa tibuok Pilipinas.Nagsugod ang Earth Hour sa Sydney, Australia niadtong tuig 2007. (BANAT NEWS)