Likod sa “Isnatser” nababha sikyu nakapusil gidayeg ni Rama
CEBU, Philippines - Usa ka gipasanginlang isnatser ang anaa karun sa kritikal nga kahimtang human kini gipusil sa usa ka gwardiya pasado alas-9 kagahapon sa buntag diha sa dalan Magallanes sa barangay Sto. Niño dakbayan sa Sugbo.
Nameligro karong maparalisa ang lawas ni Julito Cabigon, 24, human maigo sa spinal cord pagpusil sa gwardiyang si Andy Carnay, 28, kinsa nainsulto na og maayo sa kahambog ug kawalay pag-respeto sa mga isnatser nga mag-estambayan diha sa iyang pwesto.
Sumala pa nga miabot si Cabigon kauban ang mga barkada nga naila sa maong dapit nga sila si “Joselitoâ€, “Redin†ug “Itlog.â€
Matud pa ni PO2 Nilo Adventurado sa Homicide Section base sa pamahayag ni Carnay, usa sa ilang mga babayeng kostumer ang kalit nga gilabnihan og ariyos ni Cabigon diha sa iyang atubangan.
Tungod niini, gibadlong ug gisuwayan pagdakop ni Carnay apan daw wala siya madunggi sa grupo nga yanong nanglakaw hinungdan nga gipusil kini.
“Giingnan nako na ‘wa man mo’y respeto sa gwardiya,’†matud pang Carnay.
Nakadungog na lang og buto ang mga isnatser apan nahapla na si Cabigon nga naigo sa likod ug tulin pa sa manatad nga nanagan dihang sila na puy gipusil ni Carnay.
Way nangaigo sa mga kauban ni Cabigon apan napunta ang bala sa bildo nga bintana sa usa ka botika nga nakasamad sa usa sa mga tindero niini nga sila si Renilie Villacorta, 29, ug cashier Zyra Balili, 21.
Sumala pa ni Adventurado nga niadtong milabay’ng semana duna gihapoy gilabnihan ang grupo ni Cabigon ug gihingian pa siya og kwarta.
“Gipangayoan ko og kwarta para shabu kuno. Nihatag sad ko og P40. Wa lang g’yud koy armas ato unya siya naa. Naa sad siya’y back-up,â€
Si Mayor Michael Rama midayeg sa gibuhat ni Carnay ug iyang ipatan-aw kun mahimo bang mahatagan og reward sa Police Coordinating and Advisory Council (PCAC) ang maong gwardya.
Si Rama nagkanayon nga dugay ra kaayo siya nga nag-awhag sa mga security agencies nga mandoan g’yud ang ilang mga security guard nga tabangan kontra krimen ang mga polis.
Matud sa mayor nga kun mahimo pahatagan niya’g tabang legal ang maong gwardya kun mahitabo nga ikiha siya sa tagtungod sa iyang napusilan.
Sagad sa mga gwardya manghinan-aw ra kun adunay mga krimen nga mahitabo diha atubangan sa ilang mga balay-patigayon nga gibantayan.
Nagtuo silang ang gibantayan ra nilang pwesto ang ilang angayang atimanon. (BANAT NEWS)
- Latest
