Nasakmit sa Custom nga armas itugyan ngadto sa PNP

CEBU, Philippines - Itugyan ngadto sa   kapolisan ang mga armas nga nasakmit sa mga sakop sa Customs Police.

Matud pa ni Bureau of Customs Commissioner Rufino Ruzzano "Ruffy" Biazon   nga  ang  maong  mga  armas nasakmit gikan sa usa ka Australian national nga si Ronald Banks. Gumikan niini si  Regional Director P/CSupt. Marcelo Garbo sa Regional Police Office 7  nalipay sa maong kalambuan   kay  dako kini  og ikatabang ngadto sa ilang pwersa sa kapolisan.

Samtang si Ronald Banks ang tag-iya sa maong mga armas  mitungha  sa buhatan sa BOC ug miangkon nga iya ang mga armas nga kalibre 357,  45,  9mm ug M16 armalite rifle apan gumikan sa kapakyas sa pagkuha og mga dukomento sa pagbiyahe   niini ug sa   paglapas  sa Tariff and Customs Code of the Philippines  giimbargo  kini  sa taga Custom.

Si Cebu Customs District Collector Edward dela Cuesta mipadayag nga human niya   luwati  og  Warrant of Seizure and Detention  ang mga armas mahimo  na  kining itugyan ngadto sa kapolisan.   (BANAT NEWS)