CEBU, Philippines - Dul-an usa ka libo ka mga molupyo sa 15 ka mga barangay sa siyudad sa Carcar ang nipirma og petisyon nga nagsupak sa pagpatuman sa Purok System Ordinance sa maong siyudad nga nag-obligar kanila sa pagpasakop. Tumong sa purok system nga madali ang pagkuha og barangay clearance ug uban pang panginahanglan sa lokal nga kagamhanan sa maong siyudad.
Subay sa giduso nilang petisyon ngadto sa buhatan ni Acting Governor Agnes Magpale pinetsahan niadtong petsa 16 sa niaging bulan nga pirmado sa moabot og 846 ka mga molupyo, ilang gihulagway nga “unconstitutional†ang maong ordinansa.
Matud pa nga wala moagi og public hearing ug wala usab kini moagi sa Hunta Probinsyal alang unta sa review.
Matud ni Edgar Alcover taga Bolinawan Carcar ug usa sa mga petitioner nga dili makiangayon ang maong ordinansa tungod kay dili naman makasayonsayon og kuha og barangay clearance ang bisan si kinsa nga taga Carcar kun walay certification sa tagsa-tagsa ka Purok niini kun dili kini aktibong sakop. Gawas niini kadtong sakop sa Purok nga mapakyas pagtabang sama sa pagpanglimpyo sa kadalanan ang pabayron og multa nga tag P50 ngadto sa P100.
Apan laing reklamo sa mga molupyo, walay i-isyu nga resibo sa mga multa nga mabayad.
Ang City Ordinance N. 9-12 kon Institutionalizing of Purok system gipangamahanan kini ni Mercedita Apura nga gi-endosar usab ni Carcar City Mayor Nicepura Apura. (BANAT NEWS)