Iron Mike Tyson
1992—Karong petsaha gibasahan sa iyang sentensya ang kanhi sikat nga boxing champion nga si Mike “Iron Mike†Tyson. Siya napamatud-ang guilty sa paglugos kang Desiree Washington, ang Miss Black America contestant. Gi-sentensyahan siyang mabilanggo og napulo ka tuig.
Space collision
2009 –Duha ka mga satellites ang nagbangga sa kawanangan diha sa ibabaw sa Siberia sa nasud sa Russia. Ang nagkabangga mao ang Iridium 33 nga usa ka U.S. communication satellite ug ang Kosmos-2251 nga retirado nang military communications satellite. Ang panagbangga bunga kini sa naghuot na nga espasyo sa kawanangan tungod sa kadaghan sa mga satellites nga gibutang didto. Kadtong mga ni-expire na sa ilang panahon o kadtong naguba na nagpabilin gihapon karon sa kawanangan. Sa pagkakaron, aduna kapin sa 6,000 ka mga satellites ang naglibot-libot sa kawanangan sa Earth, apan 3,000 ra niini ang operational ug ang uban expired na.